RSS

ازاى تتغير فى 21 يوم

07 سبتمبر

محتاج قرار بكلمه ومعاهده مش لحد ولالخلق

معاهده بينك وبين اعظم واكبر من كده

معاهده بينك وبين اللى خلقك

يبقى بسم الله نبدأ موضوعنا

وخط ومن اول السطر

_____________________________

دلوقتى هنقول ان طالما نويت وقررت التغيير يبقى لازم احط في الفعل

دايما اسمع كلمة اه انا عاوز اتغير بس مش عارف ازاى

او ليه او فين الحافز وكل كلام ده كلام جميل انما نحطه ازاى ونطبقه فعلا

عشان كده موضوعنا النهارده

آلية التغييير ف 21 يوم

بس قبل منقول ازاى والطريقة هنقول قصه جميلة

كان فى صياد كل يوم الصبح يروح على الشط عشان يصطاد

وف يوم من الايام طلع بدرى عن معاده قبل الفجر وقبل ماتشرق الشمس

وهو ماشى طااخ اتكعبل ف حاجه

لقاه كيس اخده معاه وراح قاعد ع الشط

ولسه الشمس ربنا مأذنش انها تطلع تنور الكون

ففضل قاعد الصياد مستنى وقام حاطط ايده ف الكيس للى جنبه وطلع منه حاجه رماها ف البحر

وطلع كمان واحده تانيه ورماها

ولقى الصوت حلو فضل يرمى واحده ورا واحده ورا واحده

واحده اتنين تلاته عشرة

ربنا اذن للشمس انها تنور للكون وتشرق

بص ف الكيس ومسك اخر حاجه عشان يرميها

فجــــــــــــــــــــــــــــــأة بيبص

ايه ده

ده مش حجـــــــــــــــر زى ماكنت فاكر

دى ماسه

ياخبر ابييييييييييض انا من الصبح

برمى ماس يالله

انا ضيعت كل ده من ايدى ضيعت للى كان ممكن يعيشنى حياة غير الحياة ودنيا غير الدنيا

وفضل زعلان

حد شايف انه فقر او منحوس ؟؟؟؟؟؟؟؟؟؟

طبعا فى ناس هتقول اه

بس فى ناس هتقول معاه ماسه لسه يعنى الشمس طلعت بعد ماذن ربنا ليها عشان يشوفها ويحتفظ بيها

//////////////////////

القصة دى لازمتها ايه ؟؟؟

حاجات كتير بتبقى معانا ومش حاسين بيها ولاعارفين قيمتها ومش بنفهم غير ف الاخر

لكن يوم مبنفهم بجد وفعلا وحقيقى بنحافظ عليها ونشتغل بجد ونتغير ونطور نفسنا

دى الفكرة سيبك من للى فات ارمى كله ورا ظهرك طالما هيقويك يبقى خده وحطه تحت رجلك واطلع خطوة وسلمة لهدفك ولحلمك

،،،،،،،،،،،،،،،،،،،،،،،،،،،،

عشان مطولش عليكم هنقول آليـــــة التغيير

اليوم الاول ،،،اخدت قرار التغييير

اليوم التانى ,,,,,انا شايف نفسى ازاى ايه ايجابياتى وايه سلبياتى واسأل اصحابى واعرف

منهم كمان طالما نويت اتغير

اليوم التالت ،،،،،،،اختار صفة سلبية موجوده فيا وماثرة على حاجات كتير ولتكن مثلا بشرب سجاير او انطوائى او عصبى

اليوم الرابع ،،،،،،اختار صديق معايا مثلا لو بيشرب سجاير واختار تابع ياخد باله منى عشان يشجعنى وينبهنى

واحدد المعينات الحاجات للى تقوينى يعنى لو قاعد ف شله بتشرب اسيبهم فتره عشان اقدر اقوى نفسى وبعدين ارجع عشان ابدا التغيير مع حد عشان يدوقوا طعم سعاده احلى واحسن

اليوم الخامس ،،،،،يوم المعاهده (فاذا عزمت فتوكل على الله)ابدا واصلى ركعتين لربنا

سبحانه وتعالى واكلمه واقوله يارب نفسى دى تتغير فيا نفسى اكون كذا وكذا واكلمه بكل مافيا واقول للى نفسى فيه لربنا واعاهده انى عاوز اتغير فعلا

واقول الخطوات للى هعملها فعلا وابدا فيها مش اكلم وخلاص

بعد كل 14 يووووووووووم

دول هعمل فيهم جدول مراقية ومحاسبة

يعنى ايه؟؟؟؟؟؟؟؟

يعنى اعمل 14 مربع صغيرين كده واراقب نفسى وافعالى وتصرفاتى طول اليوم الصبح وبليل احاسب نفسى واعرف عملت ايه غلط وايه صح عشان ابعد عن الغلط ده بكرة او ع الاقل احطه ف دماغى لو اتكرر لانها اولا واخيرا ممارسة

كده بقينا 19 يوووووم

لسه 20 و21

شوف بقى يابطل فى تغيير الفتره للى فاتت دى كلها ولا لا

لو فى ولو 1% تغيير يبقى مبرووووووووك كافئ نفسك ف اليوم 21 وهات جيلاتى وامشى ع البحر ودلع نفسك واعمل الحاجه للى انت بتحبها بس لو العاده بتشرب سجاير مثلا اوعى تقول هجيب علبة سجاير واشربها

لو العادة انك عاوز تحافظ على وقتك من النت مثلا وبكون عليه 5 ساعات

متقولش المكافأه انى اقعد براحتى

///////////////

طب لو مفيش تغيير خالص

يبقى مطلوب منك ترجع لنقطه المعاهده مش من اول يوم

لاترجع من اليوم الخامس للى عاهدت فيه ربنا وتعاهده تانى وتقوله يارب كنت عاهدت وقلت كذا بس معملتوش

دلوقتى بعاهدك تانى وعاوز اتغير وبحاول ساعدنى

وكمل وقول الخطوات هعمل 1

2

3

واكتبهم

وراقب وحاسب وهتتغير طالما نويت

وكل صفة هتختلف ف تغيرها من شخص لاخر

وحسب الصفة كمان

فخلى بالك واكتسب الارادة والمرونة

وقول فعلا انا بجد نوييييت التغيير

ربنا يوفقكم جميعااا

ارجو يكون فيه افاده ولو .1 من عشرة من المية

بلغوني بالنتايج

Advertisements
 
أضف تعليق

Posted by في 7 سبتمبر 2010 in عام

 

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

 
%d مدونون معجبون بهذه: